Velkomin ;*

Ég var rooosa dugleg í dag, að taka til. Læra líka en um þrjúleytið var byrjað að vinna uppi á þaki og það var sjénslaust að læra svo ég fór bara að taka til. Setti svo líka upp seríur í stofugluggana og bjó mér til aðventu"krans". Það má, 1. er á mánudaginn :)

En ég ætla að skella inn nokkrum myndum af íbúðinni, áður en ég skreytti.


 
Fleiri myndir eru í myndaalbúminu.

Aðventukransinn minn.

Vegbúi, sestu mér hjá
segðu mér sögur já, segðu mér frá
þú áttir von
nú er vonin farin á brott
floginn í veg

staðreynd; þegar ég var svona 4 ára var ég K.K. aðdáandi númer eitt.


-Erna

Ég hef tekið miklum framförum í vetur. Ég er tilbúin að viðurkenna veikleika minn því ég get svo svarið það að hann er alveg að hverfa, gæti það ef til vill tengst breyttu og bættu mataræði og reglulegri svefntímum. Já ég er farin að vakna alltaf við vekjaraklukkuna! Pabbi þurfti oft og iðulega að hringja í mig þegar ég var fyrir norðan því ég vaknaði bara ekki við vekjarahringinguna. Nú veltiði yfirleitt fyrir ykkur afhverju ég hafði ekki bara sömu hringingu í vekjaranum og símanum en málið er bara þannig að ég gerði það. Ég hef nefnilega þann eiginleika, eins og örugglega margir aðrir, að geta snooze-að í svefni en ef ég skellti á var bara hringt þangað til ég svaraði.
Núna finnst mér ekkert betra en að fara í spinning kl 6:30, sem þýðir að ég þarf að vakna kl 6. Jónína Ben er líka frábær, kemur til manns og leiðbeinir manni ef maður er ekki að gera rétt og er endalaust að hrósa manni. Aðeins meira líf í tuskunum núna, haaa. (getur maður ekki annars sagt þetta?)

Ég er búin að komast að því hvernig kaffi mér finnst best, sótsvart. Búin að gera margar tilraunir en hef ekki sett sykur útí það samt, þetta er nógu óhollt fyrir. Ég á samt örugglega eftir að halda áfram að segja að ég drekki ekki kaffi þegar ég fer í heimsóknir, því þetta er bara svona spari eða þegar ég er ótrúlega þreytt en þarf að læra.


engin breyting.

Til hammó með ammó Andri !!! :D



-Erna

p.s. ég er með karamellusjeikbragð í munninum og nei ég var ekki að éta svoleiðis.

Strákarnir komu suður á fimmtudaginn og fóru aftur á laugardaginn, það var voða gott að fá þá en þeir stoppuðu bara alltof stutt. Það var líka algjör lúxus að láta elda fyrir sig til tilbreytingar ;)
Ég komst líka að því að hnífurinn minn er rosa beittur þegar ég skar mig svona fallega á puttanum við að skera grænmeti. Og þar sem ég á ekki plástur þá var ég endalaust að reka mig í sárið og rífa það upp, þangað til Gerður lánað mér einn í morgun, ehe.

Fyrsta prófið mitt er á morgun og það er greiningapróf. Það er ekki bara fyrsta prófið mitt í þessari prófatíð heldur er það fyrsta prófið mitt sem háskólanemi takk fyrir pent, ég er orðin alltof fullorðin! Við Gerður erum búnar að sitja sveittar niðri í skóla að greina tennur í allan dag og erum við bara orðnar nokkuð góðar í þessu held ég. Ég er bara hræddust við tímann, en við fáum 10 mín og við þurfum að greina bæði fullorðnistennurnar og barnatennurnar, úff.

Ég er heldur betur orðin stressuð. Er endalaust á klósettinu þó svo að ég drekki ekki mikið, fæ kvíðakast á kveldin þegar ég er lögst upp í rúm því mér finnst ég ekki hafa lært nóg yfir daginn og þegar ég fór til tannsa um daginn sagði hann að ég væri farin að gnísta tönnunum of mikið saman og það væru komnir svokallaðir sólblettir á tennurnar. Úps, ég hef aldrei verið svona áður!

Ætla að fara að elda og svo læra.

Staðreynd; Ég er voðalega eldhrædd, og þegar ég var lítil gat ég stundum ekki sofnað á kveldin því ég var svo hrædd um að það myndi kvikna í.

Mikið agalega var maður nú einu sinni töff.

-Erna

p.s. ég vann miða á bond í e-m aukakrónuleik og við fórum á hana í gær. Mikið djöfull er hún góð!